Jimmy O. Yang為演出特別提早返港攞靈感，盼加入大量本土元素使香港人睇得更加親切，Jimmy還夾雜廣東話及港式粗口，一嘗高呼「山頂嘅朋友你哋好」滋味，他更大開金口，分別哼起羅文金曲《小李飛刀》、尹光的《十四座》及許冠傑代表作《半斤八両》等。在前晚（15日）尾聲，播出《紅日》KTV，此時Jimmy介紹同屬「華仁仔」的李克勤，兩人合唱《紅日》。Jimmy坦言非常感動，克勤大讚Jimmy十分親切，加上大家也曾就讀華仁書院，所以份外同聲同氣。兩人即場加演「歐陽曼聯」棟篤笑，克勤笑謂：「雖然我哋係中國人，但我唔係咁好意思叫你中文名，我都係叫返你英文名Jimmy好喇。你個姓係歐陽，歐陽係冇問題，但係萬成（曼城）呢……You know? I’m 曼聯！都冇乜所謂啦，兩隊今年都踢得咁差。」Jimmy即表示：「啊！曼聯，唔好意思。」克勤透露全家也是Jimmy擁躉，當晚亦帶埋囝囝捧場，Jimmy得悉後，為自己太多粗口致歉。
更多現場圖輯：
