27位公立醫院醫護人員心聲一覽 (續)
熱門文章
ADVERTISEMENT
公民抗疫

27位公立醫院醫護人員心聲一覽 (續)

 公立醫院 急症室病房護士

Q:dirty team的工作和工時?

A:Dom話我地唔屬於dirty team。

Q:跟平日的工作有什麼不同?

A:工作同平時一樣,由宜家開始所有NPS/NPA/Sptx nConv 都唔洗做(之前係要做的)。

Q:每一天工作的心情是怎樣?

A:比之前更stressed同擔心。

Q:你們會否有washout period?

A:沒有。

Q: 你們使用什麼裝備?覺得保護足夠嗎?

A:冇,沒有提供。lv3 袍得好少,我見尋日都已經冇放出黎喇。宜家都係用普通PPE。

Q:其他防控措施是否足夠安全?

A:暫時冇。

Q:如果不設抽生死籤,你會否自願到傳染中心工作,為什麼?

A:暫時不會。政府一日唔封關,只會不停收confirmed case。今次某程度上係人禍。救人係護士天職,但無責任為政府作作無謂嘅犧牲。 但假若政府決定全面封關後,仍然有本地大規模爆發,我先會自願去dirty team。

Q:有沒有想過會受感染?有什麼想法?

A:有架,好擔心會傳染比家人,唔敢返屋企,所以宜家搬左出去自己住。

Q:是否支持罷工,會否罷工?

A:支持,會罷。

 東區醫院 深切治療部

Q:dirty team的工作和工時?

A:將會入去,預計跟平時一樣。

Q:跟平日的工作有什麼不同?

A:預計沒有太大分別。

Q:每一天工作的心情是怎樣?

A:千祈唔好中招,怨政府唔封關,不滿 大陸人衛生情況惡劣。

Q: 你們會否有washout period?

A:未確認。

Q:  你們使用什麼裝備?覺得保護足夠嗎?

A:不足夠。保護衣遮不到頸部和鞋,容易出事。

Q:其他防控措施是否足夠安全?

A:有疑問,首先,如何減低AGP (aerosal generating procedre) 氣霧產生時感染機會?還有上dirty team之前,會唔會有simulation,例如cpr drill和intubation drill,確保不會有交叉感染?

Q:如果不設抽生死籤,你會否自願到傳染中心工作,為什麼?

A:如果係照顧香港本地居民,可能會視乎屋企人點諗,同埋睇下可唔可放低到家庭,如果一家大細等我養就未必。

Q:有沒有想過會受感染?有什麼想法?

A:有諗過會受感染,要保護好自己。

Q:是否支持罷工,會否罷工?

A:一定支持和罷工

 公立醫院內科 隔離病房護士

Q:Dirty team的工作和工時?

A:工時一樣,收全部懷疑case。

Q:跟平日的工作有什麼不同?

A:穿保護衣/除保護衣,比平時更嚴格,要睇清楚其他同事有冇漏,驚會保護不足。

Q:每一天工作的心情是怎樣?

A:鬧緊政府

Q:你們會否有washout period?

A:無

Q: 你們使用什麼裝備?覺得保護足夠嗎?

A:因為係Dirty team,有n95,但我地都有Level 1 口罩。

Q:其他防控措施是否足夠安全?

A:有,全部懷疑個案放埋一齊,唔知會唔會交叉感染。例如abcd一間房,全部去過唔同大陸地方有發燒,一齊隔離,如果其中一個中(a)其實其他三個(bcd)都有機會中,或者更加有機會。

Q: 如果不設抽生死籤,你會否自願到傳染中心工作,為什麼?

A:睇情況,視乎本來自己係邊做!因為有仆街會講大話隱瞞旅遊史,仲慘過係隔離病房,係隔離病房起碼有保護裝備。

Q:有沒有想過會受感染?有什麼想法?

A:有… 死之前會去唔同警局走一圈。

Q: 是否支持罷工,會否罷工?

A:支持,想,但要睇埋開會 因為duty比較複雜,唔知點樣罷。

 港島西醫院聯網普通病房護士

Q:Dirty team的工作和工時?

A:不清楚。

Q:跟平日的工作有什麼不同?

A:不清楚。

Q:每一天工作的心情是怎樣?

A:雖然我係做general ward,依家每日番工都係會好驚,主要因為太多人意圖隱瞞自己外遊史,有時被迫毫無裝備接觸咗suspected case但事後先發現,其實真係人心惶惶。每日番工都同同事討論點解咁多自私patient。

Q:你們會否有washout period?

A:不知道。聽到上司講過話醫院除左宿舍提供,有物色緊附近既酒店處理員工自我隔離既問題。

Q:  你們使用什麼裝備?覺得保護足夠嗎?

A:我地用開既外科口罩全部一律都係medicom level1口罩,同埋都係made in China。

Q: 其他防控措施是否足夠安全?

A:口罩都開始短缺,每用一盒都要mark數,有時想換口罩都驚浪費左,其餘保護衣,面罩等等暫時足夠。

Q:如果不設抽生死籤,你會否自願到傳染中心工作,為什麼?

A:唔會,我想信大部分醫護人員都有一樣既諗法就係,如果受感染既係香港人,我地都會心甘情願去照顧佢地,因為照顧香港病人本來就係我地應該做既野。但係依家既確診病例大部分依然係大陸輸入既病人,而依d病人出現既原因就係因為政府選擇唔全面封關而引致,本來可完全避免既事,政府選擇棄醫護人員性命於不顧而任由大陸人繼續入境香港。我地有咩理由要用自己條命去為自私既政府善後呢?

Q:有沒有想過會受感染?有什麼想法?

A:有諗過會受感染,依家香港疫情仲暫時處於受控既狀態,未有大型爆發一旦有大型爆發事件,我唔會番屋企瞓,以免不幸受感染不自知而連累屋企人。

Q:是否支持罷工,會否罷工?

A:支持罷工,亦都將會罷工。

 威爾斯親王醫院隔離病房護士

Q:Dirty team的工作和工時?

A:其實分別不大/工時都一樣。

Q:跟平日的工作有什麼不同?

A:Depend on 個日管理層想點安排d病床,同開會結果,佢哋嘅安排直接影響當日要處理嘅病人數目,種類同傳染程度。

Q:每一天工作的心情是怎樣?

A:平常。

Q:你們會否有washout period?

A:應該唔算有Washout period。

Q: 你們使用什麼裝備?覺得保護足夠嗎?

A:暫時應該足夠。

Q:其他防控措施是否足夠安全?

A:如何保護被編入四人格嘅suspected cases,可以唔互相交叉感染?如何保證off isolation 嘅cases,沒有受感染,當同一格另一個病人nCoV result 未出?

Q:如果不設抽生死籤,你會否自願到傳染中心工作,為什麼?

A:我未必會主動請纓,但如果中籤,我會接受,唔會埋怨。

Q:有沒有想過會受感染?有什麼想法?

A:有想過,我希望政府同醫管局正視自己嘅不足,同一直積存嘅問題,對公眾承認多年來對前缐員工的各種不合理要求,同對現況各種隔離設施同人手不足,令廣大市民知道入院亦未必有足夠資源提供到高水平嘅隔離治療。

Q:是否支持罷工,會否罷工?

A:支持,要考慮工會開會結果同政府係未來數日嘅表現。

 屯門醫院骨科病房護士

Q:Dirty team的工作和工時?

A:工作性質同工時基本上都係一樣,但工作時要著上full gear,普通病房只係帶一般外科口罩。

Q:跟平日的工作有什麼不同?

A:本身日常工作都要時刻alert有壓力,但依家更要冒生命危險照顧一班未必如實提供資料既病人,好大部分都唔係香港人。

Q:每一天工作的心情是怎樣?

A:有壓力,照顧病人後要小心除掉所有裝備以防受感染。

Q:你們會否有washout period?

A: 暫時無消息確定有無washout period。

Q: 你們使用什麼裝備?覺得保護足夠嗎?

A: 未開始入isolation ward,未知裝備係咪充足。

Q:其他防控措施是否足夠安全?

A:暫時未知。

Q:如果不設抽生死籤,你會否自願到傳染中心工作,為什麼?

A: 唔會自願去,因為係政府搞出黎既爛攤子令到醫護人員要冒生命危險工作,係人為,唔似以前SARS,依家醫既係無交稅既大陸人。有諗過會受感染,所以唔值得為政府,醫管局賣命。

Q:有沒有想過會受感染?有什麼想法?

A:不知道

Q:是否支持罷工,會否罷工?

A: 支持罷工,會否罷工還在考慮當中。

 公立醫院隔離病房護士

Qdirty team的工作和工時?

A:day work,一星期六個Shift。

Q:跟平日的工作有什麼不同?

A:要負責開新isolation ward的工作,要不停進出隔離病房,照顧病人數目較少。

Q:每一天工作的心情是怎樣?

A:緊張,因為太多未知數,不停提醒自己要做足防護措施。

Q:你們會否有washout period?

A:沒有,因我被定性為隔離病房同事,而且不會rotate out。

Q: 你們使用什麼裝備?覺得保護足夠嗎?

A:外科口罩是Level 1,所以每次接觸隔離病人都會full PPE。

Q:其他防控措施是否足夠安全?

A:現在的PPE不是包全身。頸部,鞋,腳下半部分是未能保護。

Q: 如果不設抽生死籤,你會否自願到傳染中心工作,為什麼?

我的病房本身有四張隔離病床。但之後整個病房轉變成隔離病房,已夠兩年年資同事全部被列入isolation team。所以沒有抽生死籤,但可自願離隊,如果十分抗拒。我心態係,入左team都冇辦法。

Q:有沒有想過會受感染?有什麼想法?

A:有,時刻提醒要以自己安全優先,做足防護措施。

Q:是否支持罷工,會否罷工?

A:支持。會,如果政府未能滿足工會訴求。

 威爾斯親王醫院深切治療部護士

Q:在dirty team的工作和工時 (如已開始。否則預計會是怎樣)

A:pwh icu本身分為4,5樓2層,當有需要時整個4樓會變成dirty zone, 40個nurse會被deploy to dirty zone, 睇8個case, 會做6個星期,本身話每2星期會多一日extra假期,但而家已經轉左5天工作,唔知有咩改變(P.S. ICU每年都會抽籤for緊急事故人手調動次序)

Q: 跟你平日的工作有什麼不同

A:每次接觸疑似個案都會特別小心,著好防疫裝備先去照顧病人,另外每日指引都更改,需要時間消化同諮詢上司作確認

Q: 每一天工作的心情是怎樣

A:唔知大陸黎o既病人有無講大話,佢o地o既家屬有無返過大陸

Q: 你們會否有washout period(清洗期)?

A:無資料

Q:  你們使用什麼裝備?覺得保護足夠嗎??

A:HA用o既口罩一定係astm level1,最好有防水保護衣,全面護罩,足夠N95

Q: 有沒有其他防控措施的問題

A:有,懷疑個案一定要有獨立雙門負壓隔離房,醫護人員要係anteroom除下保護衣物,但實際上好多普通病房係無雙門負壓隔離房,只係單門,用廉遮住就當隔開左,根本唔o岩規格

Q: 如果不設抽生死籤,你會否自願到傳染中心工作,為什麼?

A:唔會,因為政府無做好防疫措施,一拖再拖,將政治凌駕市民生命健康

Q: 有沒有想過會受感染?有什麼想法?

A:有,一切都係政府責任,無做好防疫措施,唔全面封關,虛報健康申報表,令醫護置身於病毒中

Q: 是否支持罷工,會否罷工

A:非常支持罷工,會參與罷工

無能o既政府後知後覺,高薪官員每一個措施都做得唔全面,做o的唔做o的,誤導市民,朝令夕改,琴日話免費,今日就話要收錢都係因為開始有醫護SL,所以醫護一定要集體罷工反抗,逼使政府改善防疫措施!

 瑪嘉烈醫院 內科病房護士

Q:在dirty team的工作和工時 (如已開始。否則預計會是怎樣)

A:依家一星期番5日 每日番8 個鐘 (通常都會overrun 半個鐘至9個字)

Q: 跟你平日的工作有什麼不同

A:冇特別大唔同 唔同在係會驚同要戴N95;同收多左內地黎既發燒case

Q: 每一天工作的心情是怎樣

A:擔心 同緊張

Q: 你們會否有washout period(清洗期,即醫護人員完成dirty team工作後翌日係咪就要回原來工作崗位,照顧一般病人)

A:應該冇

Q:  你們使用什麼裝備?覺得保護足夠嗎??

A:我地平時得N95。當進行換片、抽痰、留NPS 個d先會full PPE, 其實點著都覺得唔夠安全。

Q: 有沒有其他防控措施的問題

A:有 依家冇特定既gown up , De gown area , 大家都冇係特定既地方著同除PPE。同埋病房太多病人 即使收左suspected case 都冇得隔離。

Q: 如果不設抽生死籤,你會否自願到傳染中心工作,為什麼?

A:唔會 因為政府都未做好自己要做既就推我地出黎

Q: 有沒有想過會受感染?有什麼想法?

A:都有 好驚,自己病都還好,最驚傳俾屋企人

Q: 是否支持罷工,會否罷工

A:支持但未必會罷(其他人: 支持,會罷)

 仁濟醫院 內科病房護士

Q: 在dirty team的工作和工時 (如已開始。否則預計會是怎樣)

A:我暫時不是在dirty team工作,但dirty team中的工作應該是指負責在隔離病房中上班,工時應該和普通病房差不多,都是6天工作週,早午班是7個多小時,夜班10小時。

Q: 跟你平日的工作有什麼不同

A:接觸的全部都是患具傳染性疾病的病人,要穿更多保護裝備

Q: 每一天工作的心情是怎樣

A:小心翼翼,要很謹慎,因為怕會將病菌帶離病房,甚至帶回家

Q: 你們會否有washout period(清洗期)?

A:好似係,做兩星期dirty team之後就會返普通病房,無提過會有washout period

Q:  你們使用什麼裝備?覺得保護足夠嗎??

現在只在用astm level 1的口罩。眼罩是安全的,但不織布保護衣不防水,有防水的保護衣會較好

Q: 有沒有其他防控措施的問題

A:一些未完全符合上隔離病房要求的case會先上普通病房,這些「隱型患者」也很危險

Q: 如果不設抽生死籤,你會否自願到傳染中心工作,為什麼?

A:不會,家人要求我不要去

Q: 有沒有想過會受感染?有什麼想法?

A:有。暫時病情較重的患者都是本身有長期病患的,我自己染倒也不太可怕,反而是怕自己會因而傳染給他人

Q: 是否支持罷工,會否罷工

A:罷工是最無可奈何的做法,我有簽罷工宣言,但如果可以選擇也不想罷工,因為我工作的病房很忙,不想為其他同事做成壓力。會考慮到最後一刻,或者只罷一兩天

 威爾斯親王院 隔離病房護士

Q:在dirty team的工作和工時 (如已開始。否則預計會是怎樣)

A:已開始 工時跟平時一樣 6.5小時 夜更9小時

Q: 跟你平日的工作有什麼不同

A:穿上全套裝備 入負壓隔離病房 照顧懷疑受感染的病人

Q: 每一天工作的心情是怎樣

A:擔心和無奈 亦會生氣 。擔心會受感染 尤其知道有內科醫生懷疑受感染之後就更加擔心,而且擔心屋企人會因為自己已感染到。會擔心驚遲一點感染不受控的時候會不敢回家。驚會變到03沙士般 。 無奈係 不知道自己何時會感染既無奈,但又要繼續工作。生氣係政府遲遲都未有政策 例如封關 。現在,在我們病房的隔離病人絕大部分為內地人或新香港人(身分證字號是怪的) , 前線的我們 絕對是既生氣又無奈

Q:你們會否有washout period(清洗期)?

A:高層指 我們沒有 因為他們指我們日常工作會帶n95 面罩和保護衣 已有足夠保護, 沒需要washout period 。

Q:  你們使用什麼裝備?覺得保護足夠嗎?

A:有使用 ,都還可以確保安全 我們的隔離病房已經比其他普通內科病房配套還好了。

Q: 有沒有其他防控措施的問題

A:高層沒有正面回應如果我們有日不再需要在隔離病房 有否需要要自己的AL作隔離。

Q: 如果不設抽生死籤,你會否自願到傳染中心工作,為什麼?

A:自願可能未必會,但當真係有需要到傳染中心工作都唔會推卸責任。

Q: 有沒有想過會受感染?有什麼想法?

A:有想過。都會覺得憂慮 驚傳染到同事和家人

Q: 是否支持罷工,會否罷工

A:支持 會罷工

 屯門醫院 內科病房登記護士

Q:在dirty team的工作和工時 (如已開始。否則預計會是怎樣)

A:工作,照顧懷疑個案患者。當檢驗報告結果呈陰性。會送走病人至普通病房或出院。然後再接收新懷疑個案患者。重複工作。工時: 1星期工作44小時,6天工作。

Q: 2.跟你平日的工作有什麼不同

A:工作內容沒有不同。

Q: 每一天工作的心情是怎樣

A:心情緊張。怕自己受到感染而不自知。怕感染家人。

Q: 你們會否有washout period(清洗期)?

A:沒有washout period

Q:  你們使用什麼裝備?覺得保護足夠嗎??

A:外科口罩沒有使用level 3 。保護衣有。覺得保護不足。因為經常配戴的外科口罩只有level 1。而WHO 建議配戴level 2或以上級別的外科口罩。

Q:有沒有其他防控措施的問題

A:在dirty ward 當值後的住宿問題。

Q: 如果不設抽生死籤,你會否自願到傳染中心工作,為什麼?

A:不會。因為香港政府在是次防疫上,毫無準備。在病床數目,個人防護裝備不足情況下,任由懷疑受感染的個案進出香港。疫情爆發初期沒有提醒市民做足防護及提高市民的衛生防護意識。亦沒有為香港市民購買更多口罩來預防武漢肺炎,任由帶菌者在香港四處遊走。

香港醫護人員只有一條性命。不會為香港政府愚昧的政策而付出自己的健康,自己的生命。

Q: 有沒有想過會受感染?有什麼想法?

A:不敢想這個問題。太沉重。

Q:是否支持罷工,會否罷工

A:支持罷工

 聯合醫院 手術科護士

Q:在dirty team的工作和工時 (如已開始。否則預計會是怎樣)

A:跟平常一樣

Q: 跟你平日的工作有什麼不同

A:集中照顧suspected case

Q: 每一天工作的心情是怎樣

A:擔心受感染 會傳染比身邊家人朋友。有時收/照顧普通病人嘅時候,又會好驚佢哋係咪會講大話 隱瞞左自己有返過大陸。 其實擔心程度同做dirty team差不多。 因為平時照顧普通病人,只會佩戴最基本外科口罩, 反而dirty team面對suspected case可以有全副保護裝備。

Q: 你們會否有washout period(清洗期)?

A:視乎情況 可能會以扣大假形式自行進行隔離

Q:  你們使用什麼裝備?覺得保護足夠嗎??

A:不是 好多普通病房只係用緊level 1 唔夠安全 不過供應有上限

Q: 有沒有其他防控措施的問題?

A:解決唔到根源嘅問題 病人只會越來越多 前線人員嘅風險只會越來越大

Q: 如果不設抽生死籤,你會否自願到傳染中心工作,為什麼?

A:不會 政府根本冇心去做好防疫工作 唔值得為佢賣命

Q: 有沒有想過會受感染?有什麼想法?

A:好無奈 如果受感染都冇辦法 政府根本想推曬啲前線醫護人員去死

Q:是否支持罷工,會否罷工

A:支持 一定會

 威爾斯親王醫院 隔離病房護士

Q:在dirty team的工作和工時 (如已開始。否則預計會是怎樣)

A:照顧?wars / tocc +ve patient    PAN shift

Q: 跟你平日的工作有什麼不同

A:病人數量少左 但 infection risk 大左

Q: 每一天工作的心情是怎樣

A:擔心收到堅wars cases會感染

Q: 你們會否有washout period(清洗期)?

A:有

Q:  你們使用什麼裝備?覺得保護足夠嗎??

A:夠 但都驚吾安全

Q: 有沒有其他防控措施的問題

A:沒有全面封關,內地病人會湧到公立醫院

Q: 如果不設抽生死籤,你會否自願到傳染中心工作,為什麼?

A:現在已經在隔離病房工作中

Q: 有沒有想過會受感染?有什麼想法?

A:有 ,如果有可多確診個案,會在PA房過夜不返屋企。

Q: 是否支持罷工,會否罷工

A:支持, 未決定是否罷工

 公立醫院內科病房護士

Q:  dirty team的工作和工時?

A: Dirty team是由內科部門抽生死籤抽調人手去隔離病房,而隔離病房分兩種grading,一個是最高級別,即是高度懷疑個案(這個病房是原本也是隔離病房,當中護士也是有經驗於這方面), 另外一種是down grade少少,有懷疑或高級別病房收爆左就會推去這些病房! 工時和平常一樣都是8小時一個shift,與普通病房一樣。

Q:跟平日的工作有什麼不同?

A:照料病人的數目比較小,但壓力相對地大!因為要照顧懷疑個案。

Q: 每一天工作的心情是怎樣?

A:暫時見到都好人心惶惶,因為剛剛調Ward,好多指引都唔清晰,開了個whatapps group不同update資訊,好多人都係臨時拉夫,最三四日叫你去隔離病房,你就要去了。

Q:你們會否有washout period?

A:高層暫時無話有,佢地話只有接觸真係comfirm case而你無著齊PPE又有發燒呼吸道感染先隔離,而隔離是指是入院隔離or渡假村,果D wash out period 都無人提,問左都無人答到!

Q: 你們使用什麼裝備?覺得保護足夠嗎?

A:個人防護裝備保護衣係level3防水的,口罩都是用緊Medicom level1 surgical mask,但在隔離病房都會帶N95。最垃圾係fit test要排隊排好耐,而且要你無型號岩先俾你再做 !百般刁難,有人是入隔離病房先book到再慢慢重做,因為大部分人的N95都是剛入職做Fit text ,咁多年面形轉變,即是唔入隔離病房都想再做,但佢地會Reject你 !只係俾隔離病房的人做先,而佢地都要等

Q:其他防控措施是否足夠安全?

A:暫時我地果邊都夠。

Q:如果不設抽生死籤,你會否自願到傳染中心工作,為什麼?

唔想!因為一直都在普通內科病房工作,連接觸空氣傳播的病人也少經驗,咁樣會有點擔心因經驗不足而出事!但內科的同事比起兒科/骨科/外科同事在應對普通肺炎又有相應經驗,所以內科同事都願意去(如在公平抽籤的情況底下)。

A: 有沒有想過會受感染?有什麼想法?

我最好朋友要入隔離病房,當然她怕啦佢!班大陸人個個都隱瞞病情,死到臨頭先講,一照肺成個肺花晒,對啲藥又無反應,先肯講出黎,我朋友驚到由入隔離病房開始就租酒店住,家下搵緊短期租的地方!主要是因為一家人有老有嫩 。

Q:是否支持罷工,會否罷工?

A:支持罷工架都!我地醫護都是想爭取合理權益姐!我地要面對咁可怕高傳染性高死亡率的疾病,為左救更多香港人!政府應該封關同埋全民保證有口罩!我地班香港人捱貴租交重稅,班老人家服務一世人拎住張爛鬼身份證咩福利都無架佢地!當時一句,大陸人免費,真係全城醫護都嬲左,憑咩佢地咩貢獻都無總帶病毒黎香港,佢地唔洗俾錢!班真香港人就要俾錢!

醫護罷工都係想迫政府做返佢該做的野!要我地放棄病房的公公婆婆都需要好大勇氣同道德感架,我地最唔捨得係要犧牲病房班老人家!

前一頁

 

留言
此系列之延伸閱讀
返回系列
公民抗疫
熱門搜尋
袁國勇 出版自由 展覽 環保 食譜
https://www.mpweekly.com/culture/wp-content/uploads/2020/02/tan200129wars0042-150x150.jpg