公園中的公公婆婆在想甚麼? 後生仔埋來傾吓偈!
熱門文章
ADVERTISEMENT
世代,是不是我們的距離?

公園中的公公婆婆在想甚麼? 後生仔埋來傾吓偈!

%e6%aa%94%e6%a1%88_012

往日歷史,個體面目模糊,千人一面。今天我們走進社區,向公園的長者下手,聽聽打開話匣子後,世代下基層最真實的人生故事……

阿珍 72歲

今日年廿八,交俾個囡抹屋,我無嘢做搵到呢啲舊 嘢,拎出來睇吓有無人要。 你睇,我老公舊陣時開檔口仔賣麻將㗎,打嗰啲呢。 係喎,老公好錫我,我好勤力,以前由朝做到晚, 因為我自己好細個就無老竇老母,未嫁之前由姑姐申請 我嚟香港。嗰陣結咗婚,四個細路,一個家婆,佢幫我 照顧細路,我就去幫老公開檔。但老公好早走咗,九七 年六月二十九日過身,過唔到回歸,都唔知係咪好事。 而家我才退咗休兩年,個陣落嚟,身份證報細數,我 四八年出世,已經七十二歲,過咗今年八月生埋日至有 生果金。 我同個囡住囉,佢幾靚女㗎,我同佢去旅行,人哋 話她係翻版李嘉欣。但她高竇貓,未結婚。同埋經濟差 囉,好多人都無工開,佢喺機場做咗廿幾年,做到大家 姐,但前排航空公司倒閉,裁員,而家佢搵咗份喺中環 返工嘅工囉。 同班後生啊……無乜嘢講,麻麻地。不過我嗰個 年代都會和上一代唔啱傾。會㗎,我家婆係要咁。(舉 出大拇指)永遠要做第一囉。她過身先三年,走嘅時候 一百零一歲,我以前過時過節,年初一,同佢生日都要 斟茶佢飲,但而家我唔使我啲新抱咁樣啦。 (你有無聽過廢老啊?) 我知啊。吐血嗰種囉,咳到吐血咪肺癆囉。吓,廢 老?乜咁樣解啊,我沒有聽過喎。(大笑)我諗我呢種 唔叫廢老啩。我當三個新抱係囡㗎,前幾日我哋至食咗 團年飯,係早咗食,但就後生時間囉,佢哋忙,可能又 有其他嘢顧,咪體諒吓佢哋囉。
今日年廿八,交俾個囡抹屋,我無嘢做搵到呢啲舊嘢,拎出來睇吓有無人要。你睇,我老公舊陣時開檔口仔賣麻將㗎,打嗰啲呢。
係喎,老公好錫我,我好勤力,以前由朝做到晚,因為我自己好細個就無老竇老母,未嫁之前由姑姐申請我嚟香港。嗰陣結咗婚,四個細路,一個家婆,佢幫我照顧細路,我就去幫老公開檔。但老公好早走咗,九七年六月二十九日過身,過唔到回歸,都唔知係咪好事。
而家我才退咗休兩年,個陣落嚟,身份證報細數,我四八年出世,已經七十二歲,過咗今年八月生埋日至有生果金。
我同個囡住囉,佢幾靚女㗎,我同佢去旅行,人哋話她係翻版李嘉欣。但她高竇貓,未結婚。同埋經濟差囉,好多人都無工開,佢喺機場做咗廿幾年,做到大家姐,但前排航空公司倒閉,裁員,而家佢搵咗份喺中環
返工嘅工囉。
同班後生啊……無乜嘢講,麻麻地。不過我嗰個年代都會和上一代唔啱傾。會㗎,我家婆係要咁。(舉出大拇指)永遠要做第一囉。她過身先三年,走嘅時候一百零一歲,我以前過時過節,年初一,同佢生日都要斟茶佢飲,但而家我唔使我啲新抱咁樣啦。
(你有無聽過廢老啊?)
我知啊。吐血嗰種囉,咳到吐血咪肺癆囉。吓,廢老?乜咁樣解啊,我沒有聽過喎。(大笑)我諗我呢種唔叫廢老啩。我當三個新抱係囡㗎,前幾日我哋至食咗團年飯,係早咗食,但就後生時間囉,佢哋忙,可能又有其他嘢顧,咪體諒吓佢哋囉。

 

m210210-karena-005
阿珍在公園擺賣昔日麻雀店剩下的牌具。

林伯伯 89歲

我們做後生時啊,唔會覺得老一代麻煩。而家嘅 後生同我哋舊時唔同晒,以前窮到燶,你想像唔到,仲 衰過劏房,無屋住。你睇而家呢啲公屋好靚(指),以 前好多人住木屋,或者住嗰啲細細個嘅牀位,兩個輪流 瞓都見好多。而家環境好咗,但人滿不滿足又係另一回 事。 我諗佢哋(年輕人)有另一啲煩惱。以前我哋打 唔死餓唔死就叫好彩,炸彈扔到周街係,好多人出街都 炸傷。係啊,日本仔打到嚟我出咗世,但仲係細路仔, 四九年至嚟香港,嗰陣我十七歲,初初好難搵工做,後 來搵到一份工,喺花園街做醬園舖,賣醬。 呢世人我都響深水埗大,幾廿年囉。屯門公園啊? 我唔鍾意,我寧願靜靜哋。 我唔敢講年輕一代係點,你睇,地球會轉㗎嘛,成 日講以前嗰套唔得㗎。以前做人用膊頭去擔,而家做人 用科技。我一把年紀啦,行又行唔到,仲有咩新潮嗜好 呢,可以坐在呢度望望吓就已經算不錯了。
我們做後生時啊,唔會覺得老一代麻煩。而家嘅後生同我哋舊時唔同晒,以前窮到燶,你想像唔到,仲衰過劏房,無屋住。你睇而家呢啲公屋好靚(指),以前好多人住木屋,或者住嗰啲細細個嘅牀位,兩個輪流瞓都見好多。而家環境好咗,但人滿不滿足又係另一回事。
我諗佢哋(年輕人)有另一啲煩惱。以前我哋打唔死餓唔死就叫好彩,炸彈扔到周街係,好多人出街都炸傷。係啊,日本仔打到嚟我出咗世,但仲係細路仔,四九年至嚟香港,嗰陣我十七歲,初初好難搵工做,後來搵到一份工,喺花園街做醬園舖,賣醬。
呢世人我都響深水埗大,幾廿年囉。屯門公園啊?我唔鍾意,我寧願靜靜哋。
我唔敢講年輕一代係點,你睇,地球會轉㗎嘛,成日講以前嗰套唔得㗎。以前做人用膊頭去擔,而家做人用科技。我一把年紀啦,行又行唔到,仲有咩新潮嗜好呢,可以坐在呢度望望吓就已經算不錯了。

賢萍 75歲

老啦,後咩生啊。(笑)好似我呢種出來多走動嘅 長者會開心啲個樣後生啲囉。我先生有少少認知障礙, 開始無乜記性,平日由我照顧,疫情時候悶啲,但都有 俾心機做吓運動,曬吓太陽,我落嚟行咪叫他跟我落嚟 囉。佢都已經八十幾囉。 我後生係做手袋的,工廠妹囉,幾辛苦㗎,但大家 一齊捱唔緊要。 我算好彩啩,後生無鬧我廢老,但溝通真係麻麻, 佢唔明白我,我又唔明白佢,唔知點相處,溝通上嚟又 難,不過我心底都想多啲見佢哋,傾吓偈,聽吓佢點想 法,但平日只要開口問他們一句、兩句、三句,他們就 開始唔耐煩,覺得你好煩。 不過廢老呢隻字,我又真係好少聽,死老嘢我就聽 過。(笑)
老啦,後咩生啊。(笑)好似我呢種出來多走動嘅長者會開心啲個樣後生啲囉。我先生有少少認知障礙,開始無乜記性,平日由我照顧,疫情時候悶啲,但都有俾心機做吓運動,曬吓太陽,我落嚟行咪叫他跟我落嚟囉。佢都已經八十幾囉。我後生係做手袋的,工廠妹囉,幾辛苦㗎,但大家一齊捱唔緊要。
我算好彩啩,後生無鬧我廢老,但溝通真係麻麻,佢唔明白我,我又唔明白佢,唔知點相處,溝通上嚟又難,不過我心底都想多啲見佢哋,傾吓偈,聽吓佢點想法,但平日只要開口問他們一句、兩句、三句,他們就開始唔耐煩,覺得你好煩。
不過廢老呢隻字,我又真係好少聽,死老嘢我就聽過。(笑)

莫先生 76歲

m210210-karena-025
我係退休公務員,六十歲嗰年退休,嗰陣退休好無奈,因為當時嘅身心真係仲有氣有力,可以再做多十年,咁樣退休就好似浪費咗自己人生十年一樣。不過退休生活真係無以前緊張,悠閒好多,以前成日幻想退休可以周圍去旅行,結果現實就係日日都忙住做生活嘅雜事,幫吓子女照顧吓啲孫,個人行動慢咗囉,啲嘢慢慢做。我以前會睇吓《成報》、《明報》,後來因為鍾意玩吓馬仔就開始買《東方日報》。對我而言報紙仲係好重要,睇報紙好過喺手機睇,因為年紀大咗,個熒幕太細,都係報紙好,坐低落嚟,打開報紙,自自然然有種好寫意好安穩嘅感覺。廢老……無錯一個人老咗,吸收現代社會新資訊真係會「廢」咗。我老婆有時叫我教佢用手機,教咗幾次佢都不識,我都會不耐煩,忍不住話佢煩。如果係啲同佢唔熟嘅人,可能直接就會話佢廢。無錯㗎,一個人老咗,學習嘅速度就慢,好多嘢要睇兩三次,問完又問,一下子叫佢吸收,係吸收唔到。世界又改變咗好多,尤其係教育同知識水平上,後生仔同我哋想法自然係唔同,咁都係好事,唔通幾十年一成不變咩。但呢種改變有時將以前嘅美德變淡咗。可能思想開明咗,家庭唔再講究輩份,個孫嚟睇我,”Hi”一聲就算,我仲係想聽佢叫我一聲「阿爺」,叫一聲過癮好多。叫完我再攬吓他,兩代之間至有親切感,而家得一句”Hi”,好像有一層隔膜一樣。我哋從前做夫妻,只會叫對方個名,或者「喂」一聲,而家後生嗰班會叫老公老婆,叫得好親暱,其實感情就是要係平日咁樣慢慢培養出嚟。上一代同下一代嘅感情一樣都係要咁珍視。我係上一代人,但我都支持民主,民主有唔同光譜,人人成長背景唔同,對民主嘅定義都唔一樣,民主就係大家唔同但唔會因為唔一樣就開口鬧人。

Lisa 76歲

m210210-karena-026
我係呢棟樓嘅房委會副主席。(指)平日會幫手派吓飯,見到啲年長嘅長者,覺得對老人家就係要好似𧨾小朋友一樣𧨾佢哋。「乖啦,乖我至派飯。」你咁樣講佢哋至會聽,如果你粗聲粗氣,佢哋就會發爛渣囉,要明白佢哋記性差,老咗會固執啲,的確會有缺點,但人人都有缺點,好似後生嗰陣咪都有啲年少氣盛,有啲唔成熟,任性,人人都會有啦。老人家身體同個腦一直會退化落去,佢哋行唔返後生嗰條路,就好似細蚊仔一樣,初初乜都唔識,後來慢慢成長學習,有咗自己一套,但年紀大咗,又退化返去,變到同小朋友一樣。我自己呢幾年都係咁,記性差咗,好多嘢好易忘記,學嘢都變難咗。不過年紀大啦,我知道對住班後生最好就係唔好去煩佢哋。好似有時唔識點用手機,我咪自己去報手機班囉,叫社工教我,如果唔係返去問仔女,佢哋會投訴,話教一百次我都唔識—做長者可能就係要有呢種自覺,知道後生有日常嘅壓力,工作可能好辛苦,返到屋企休息又要被煩,可能就對我哋失去耐性。我覺得自己有手有腳,唔好煩佢哋,自己管好自己,不過咁樣變咗有事都唔敢同佢哋講,中間嘅代溝都愈來愈大。我都仲係敬老㗎,我覺得長者始終比我哋更早明白生老病死,後生一代思想進步,講求真理同科學,但人世間好多嘢係知識教唔到佢哋,唔係全部嘅事佢哋都睇得清,睇得透,希望佢哋有時得閒都會樂意聽聽老人家嘅心聲。

智蓮 83歲

m210210-karena-016
我年半前身體開始差啦,無以前咁醒目。(笑)我 後生都係做製衣,我嗰行還好啦,認真唔算太辛苦,工 作環境都幾開心。以前我哋係租樓住,後期才排到上公屋。我一個人住,另一半走咗好耐啦,佢六十幾歲就走,我無流一滴眼淚啊。(微笑)因為見到佢走得舒服, 走得舒服就好。 而家有時就落嚟同朋友見面行吓。班後生他們一星 期會返嚟見我一次。我覺得自己愈老愈開心,識到啲朋友,好好傾。你講嗰種廢老我覺得並唔多,我都無識到嗰種老人家。
留言
此系列之延伸閱讀
返回系列
世代,是不是我們的距離?
熱門搜尋
周耀輝 新聞自由 展覽 環保 食譜
https://www.mpweekly.com/culture/wp-content/uploads/2021/03/-012-20210315082909-150x150.jpg