明周文化
熱門文章
抗爭時代

市民吃催淚彈的日子 45宗個案記錄一覽(續)

522
whatsapp-image-2019-08-11-at-3-26-27-pm

上文:市民吃催淚彈的日子     45宗個案記錄一覽

Case 5

年齡:23;性別:女

  1. 吃催淚彈的日子 (可多於一天)

應該問佢邊日無放,差唔多佢有放既日子我同朋友都喺度。

  1. 吃彈經過 (最嚴重那一次,包括位置、大約距離、維時、怎樣逃生)

有兩次都打中我腳邊,我第一次有拎水喺手,就即時淋熄佢;但淋左一枝都無用,就跑走左。兩次的當時距離大約150米左右。7月28日一次喺堅尼地城,8月3日一次喺柯士甸道,後者係毫無防避下突然放彈。好多人都走唔切,我連gear都帶唔切,吸左幾啖已經眼水鼻水出曬,眼都打唔開,就即時後退左 ,好多人都中曬彈。

  1. 徵狀及維持多久

最基本即時流大量鼻水眼水,眼唔會打得開,氣管收縮,抖唔到氣。即時徵狀係即時要用水沖,沖完都要5至10分鐘先好返啲,但無衫cover住嘅皮膚,例如手腳都會feel到刺激。朋友同我後續幾日會頭痛頭暈。

頭痛頭暈係周不時,唔知仲會維持幾耐,因為見普通頭痛頭暈仲頂到,而且唔係經常性出現,自己食藥和休息就ok。

  1. 有沒有看醫生(急症/私家?),如有,診斷如何?

無,睇醫生又唔知信唔信得過,所以就無去。

Case 6

年齡: 22;性別:男

  1. 吃催淚彈的日子 (可多於一天)

6日。

  1. 吃彈經過 (最嚴重那一次,包括位置、吃彈大約距離、吃了多久)

6月12日吃得最耐,彈嘅位置不清楚,龍和道飄咗大量煙,夏慤道本身又有放,持續5至10分鐘都係見到煙嘅情況下吃彈,入到商場雖然見唔到煙但都有陣煙味。

8月5日罷工喺新界總總部門口又食過,不過今次個彈feel到喺頭上面爆,持續大概5分鐘左右。

另外果彈係過期的。

  1. 徵狀及維持多久

即時眼痛,抖唔到氣,想嘔,咳。返到屋企後肺部會痛,第日跑步時個呼吸差左,兩邊肺小痛。

上面的徵狀持續一星期左右。但放親過期嘅彈,我嘅皮膚都會紅咗一忽,會癢,唔知關唔關事。

  1. 有沒有看醫生(急症/私家?),如有,診斷如何?

無,識嘅人都係等佢自己好。

Case 7

年齡:29;性別:女

  1. 吃催淚彈的日子 (可多於一天)

6月12日,7月28日。

  1. 吃彈經過 (最嚴重那一次,包括位置、大約距離、維時、怎樣逃生)

最嚴重一次,6月12日,位置於添馬公園,大約距離100米。

維時大概10分鐘,警方不停放催淚彈,實際維時不記得,因為很快就離開現場了。我原本是在草地上的,警察突然向立法會樓下(煲底)投放催淚彈,我和其他人立即跑向海富中心,但海風已經把催淚彈煙吹上來。

原本打算當警察不再投放催淚彈,我就再回到草地,但發覺警察一直投放催淚彈,我便打算離開,卻發覺往中信大廈的天橋被封,唯有朝海富中心的天橋走。當時很多人都朝這個方向離開,扶手電梯停用了,我們行樓梯到夏愨道的地面。但警察突然在紅棉路和夏愨道的路口投放催淚彈,部分煙吹上天橋,部分人立即由下樓梯改為上樓梯,但我忍住勉強落樓梯,立即到金鐘地鐵站地底,最後在另一個出口出來,回到地面。

  1. 徵狀及維持多久

眼睛和皮膚感到赤痛,喉嚨不舒服,維持半小時。

  1. 有沒有看醫生(急症/私家?),如有,診斷如何?

因為徵狀不嚴重,我沒有看醫生。

Case 8

年齡:23 ;性別:男

  1. 吃催淚彈的日子 (可多於一天)

6月12、7月21日、7月28日及8月5日

  1. 吃彈經過 (最嚴重那一次,包括位置、大約距離、維時、怎樣逃生)

7月28日,在尖沙咀警署外柯士甸道,聽到有警車來,隨即聽到「嘭嘭嘭」槍聲,原來已經發射了催淚彈,催淚彈與我距離50至100米,豬嘴還未及校緊,就吸入了兩、三啖煙,呼吸困難維持約一分鐘,眼淚鼻涕直流。五至十分鐘後,煙霧瀰漫,我便循彌敦道離開。

  1. 徵狀及維持多久

7月28日至8月9日都出現肚痾、胃部不適、作嘔。

  1. 有沒有看醫生(急症/私家?),如有,診斷如何?

看了私家醫生,斷診為急性腸胃炎,開了止嘔、止肚痛、胃藥及止痛藥。

Case 9

年齡:24;性別:女

  1. 吃催淚彈的日子 (可多於一天)

6月12日,8月5日。

  1. 吃彈經過 (最嚴重那一次,包括位置、大約距離、維時、怎樣逃生)

在黃大仙警署及宿舍對外。最近的大約只有1至2米距離。每次5至10分鐘,在數小時內每隔一段時間就會吃到催淚彈。因為位置與黃大仙中心和地鐵站好近,逃生路線就是往後逃到中心和龍翔道。

  1. 徵狀及維持多久

當時眼睛十分刺眼,流眼水,流鼻水,氣管刺痛,咳嗽,皮膚刺痛和泛紅。

每次食了催淚彈都會維持10至15分鐘。離開現場後會覺得面部皮膚還會有少少痛和泛紅,然後會好易流鼻水和氣管會有點痕癢。

回家後一天面部減少了泛紅,但會乾燥和少許脫皮,然後有肚瀉情況,喉嚨和氣管仍會有點不適。

  1. 有沒有看醫生(急症/私家?),如有,診斷如何?

沒有看醫生,因為情況未算好嚴重,還有各徵狀都慢慢減少。

Case 10

年齡:21;性別:女

  1. 吃催淚彈的日子 (可多於一天)

6月12日、7月28日、8月3日、8月5日。

  1. 吃彈經過 (最嚴重那一次,包括位置、大約距離、維時、怎樣逃生)

6月12日當天被困於中信外,催淚彈墜落人群,險出現人踩人,而多人出現氣喘症狀,當時物資站未有足夠氣管舒張劑,亦沒有應對措施,個人本身為哮喘病患者,身上攜有氣管舒張劑,但少量藥物不足供應。直至疏散往中環皇后像廣場後離開。

7月28日,當天發現催淚彈濃度比以往高,吸入後不停咳嗽。

  1. 徵狀及維持多久

6月12日後氣管敏感持續,睡眠期間易出現呼吸困難,食欲減退。

7月28日後開始手臂內側膝頭濕疹病發,身體亦有出現微小水泡。

  1. 有沒有看醫生(急症/私家?),如有,診斷如何?

沒有,只靠氣管舒張劑抒緩氣管收縮情況。

Case 11

年齡: 22;性別:女

  1. 吃催淚彈的日子 (可多於一天) 

8月3、5日。

  1. 吃彈經過 (最嚴重那一次,包括位置、大約距離、維時、怎樣逃生)

8月3日果次有戴豬咀,企咗喺前線後排,同大班人一齊走;

8月5日有n95(口罩型號),喺前線,同彈位置只有一、兩米,維持食彈一個鐘(做緊FA)。

  1. 徵狀及維持多久

8月3日,有戴豬咀企咗喺前線後排,但feel到後頸皮膚有啲刺痛同灼熱,維持咗十幾分鐘;

8月5日,只有n95,喺前線,呼吸道受刺激不斷咳,皮膚極度刺痛同灼熱(因為無包保鮮紙),維持幾個鐘,之後幾日皮膚乾燥,會不斷肚痛同肚屙,直到今日(8月10日)都會痛,極易疲累。

  1. 有沒有看醫生(急症/私家?),如有,診斷如何?

無,覺得會ok。
Case 12

年齡: 32;性別:男

  1. 吃催淚彈的日子 (可多於一天)

6月12日、7月21日、7月27日、7月28日、8月4日及8月5日

  1. 吃彈經過 (最嚴重那一次,包括位置、吃彈大約距離、吃了多久)

7月28日,在上環信德中心對出橋底,近身及全範圍,維持了約一小時

  1. 徵狀及維持多久

即時感到心跳加速、昏暈、咳嗽、流鼻水、睜不開眼和皮膚灼熱;短期徵狀為頭痛、精神不振、久咳、呼吸困難、食欲不振及輕微肚瀉。

  1. 有沒有看醫生(急症/私家?),如有,診斷如何?

有看私家醫生,診斷為支氣管炎,醫生開了消炎藥、止咳藥、止痾藥和止嘔藥。

Case 13

年齡:25 ;性別:男

  1. 吃催淚彈的日子 (可多於一天)

太多,記不清幾日,對上一次是8月5日

  1. 吃彈經過 (最嚴重那一次,包括位置、大約距離、維時、怎樣逃生)

8月5日,警方於天水圍警署四樓朝下方發射催淚彈,擊中我的頭部,在劇烈痛楚下被身旁手足帶走,現場環境混亂致豬嘴鬆脫,吸入大量濃煙。危難中逃入商場,由現場急救隊護理。

  1. 徵狀及維持多久

頭部腫起一個像棒球那麼大的瘤,猛烈咳嗽,肺部疼痛,維持接近10分鐘。

  1. 有沒有看醫生(急症/私家?),如有,診斷如何?

沒有,因為從事的行業工時長,沒時間看醫生。

Case14

年齡: 40+;性別:女

  1. 吃催淚彈的日子 (可多於一天)

多天

  1. 吃彈經過 (最嚴重那一次,包括位置、吃彈大約距離、吃了多久)

幾個小時內多次,距離約10米至20多米外。

  1. 徵狀及維持多久

喉嚨發炎、心口悶、作嘔反胃、皮膚痕癢、出現少量紅粒、皮膚敏感、眼睛刺痛和澀。部分徵狀維持一周以上。

  1. 有沒有看醫生(急症/私家?),如有,診斷如何?

無啦,點同醫生講?

Case 15

年齡:30;性別:女

  1. 吃催淚彈的日子 (可多於一天)

7月4日晚上。

  1. 吃彈經過 (最嚴重那一次,包括位置、大約距離、維時、怎樣逃生)

在黃大仙,催淚彈落喺我腳邊,我1分鐘內跑上天橋。

  1. 徵狀及維持多久

立即眼痛、喘氣、頭暈,好似就嚟暈低,塊面好辣。

  1. 有沒有看醫生(急症/私家?),如有,診斷如何?

無時間睇醫生,但原本的感冒和咳嚴重咗。

我住喺佢放彈嗰度,我唔擔心俾人拉,因為我只係落樓下撳錢,無辜的。

Case 16

年齡:32;性別:男

  1. 吃催淚彈的日子 (可多於一天)

8月3、5日。

  1. 吃彈經過

黃大仙廣場「食煙放題」,先後於地鐵站門口,約50米距離,及合法集會區域內,

最近的催淚彈約20米,聞到煙後我已快步走遠。

  1. 徵狀及維持多久

肚痾,頭一日幾次,之後腸胃亦有不適,糞便呈軟和爛狀。

  1. 有沒有看醫生(急症/私家?),如有,診斷如何?

未痛到要睇醫生。

Case 17

年齡:22;性別:男

  1. 吃催淚彈的日子 (可多於一天)

6月12日。

  1. 吃彈經過 (最嚴重那一次,包括位置、吃彈大約距離、吃了多久)

警方清場時誤入前線附近,有數發催淚煙於身旁爆開,能見範圍有白煙瀰漫,布質面巾未能提供有效防護,其後徒步離開立法會,沿途不斷喝水漱口及用水沖洗手臂。

  1. 徵狀及維持多久

眼部刺痛,皮膚痕癢,呼吸困難,肺部抽搐式不斷大口吸氣,類似長跑撞牆。

輕微暈厥,手腳乏力。遠離濃煙及沖水喝水後徵狀漸退,至地鐵站時已能正常呼吸。

  1. 有沒有看醫生(急症/私家?),如有,診斷如何?

已經好返,所以無睇。

Case 18

年齡: 39;性別:  男

  1. 吃催淚彈的日子 (可多於一天) 

6月12日、7月1、21、27、28日、8月3、4日。

  1. 吃彈經過 (最嚴重那一次,包括位置、吃彈大約距離、吃了多久)  

7月28日,於上環,彃落在5米內 ,吃了大概30秒。

  1. 徵狀及維持多久  

喉嚨不適,持續到現在。

  1. 有沒有看醫生(急症/私家?),如有,診斷如何?

沒有,因情況不算嚴重。

Case 19

年齡:44;性別:男

  1. 吃催淚彈的日子 (可多於一天)

約10日。

  1. 吃彈經過 (最嚴重那一次,包括位置、吃彈大約距離、吃了多久)  

7月28日,當晚放了數不清的催淚彈,而且當時使用的口罩未能完全隔絕催涙煙,所以所吸的催淚彈是咁多次示威活動中數量最多,應有十多次。

  1. 徵狀及維持多久  

早兩個多星期仍有輕微喉痛,現巳沒有,但仍有口苦的感覺。

  1. 有沒有看醫生(急症/私家?),如有,診斷如何?

沒有看西醫,只看中醫調理。

Case 20

年齡:20;性別:女

  1. 吃催淚彈的日子 (可多於一天)

8月5日。

  1. 吃彈經過 (最嚴重那一次,包括位置、吃彈大約距離、吃了多久)

彈在我頭上飛過,食咗15分鐘。

  1. 徵狀及維持多久

塊面生粒粒,直到而家;乸口乸面,30分鐘;呼吸困難,30分鐘。

  1. 有沒有看醫生(急症/私家?),如有,診斷如何?

覺得自己唔算嚴重,如果去睇醫生驚曝光仲大件事。

Case 21

年齡:22;性別:女

  1. 吃催淚彈的日子 (可多於一天)

6月12日、7月21日 (其他日子唔記得)。

  1. 吃彈經過 (最嚴重那一次,包括位置、吃彈大約距離、吃了多久)

7月21日,元朗,距離大約300-400米 (佢一擲過嚟,我就即刻跑開,但都feel到)。

  1. 徵狀及維持多久

當時即刻流眼水、眼痛,之後肚痾咗兩日。

  1. 有沒有看醫生(急症/私家?),如有,診斷如何?

無睇,因為無錢,以為會自己好返。

Case 22

年齡:21;性別:女

  1. 吃催淚彈的日子 (可多於一天)

8月5日。

  1. 吃彈經過 (最嚴重那一次,包括位置、吃彈大約距離、吃了多久)

喺身邊爆開,5小時左右。

  1. 徵狀及維持多久

起紅疹,維持了4日。

  1. 有沒有看醫生(急症/私家?),如有,診斷如何?

無錢,覺得係正常反應,所以無睇。

Case 23

年齡:22;性別:女

  1. 吃催淚彈的日子 (可多於一天)

3至4日。

  1. 吃彈經過 (最嚴重那一次,包括位置、吃彈大約距離、吃了多久)

旁邊吃,吃了幾分鐘。

  1. 徵狀及維持多久

眼睛及喉嚨感刺痛、維持了幾分鐘。

眼睛發紅4天 (由8月4日食彈後計起)。

  1. 有沒有看醫生(急症/私家?),如有,診斷如何?

沒有看醫生,因為唔敢睇,唔知點開口話自己食完彈。

Case 24

年齡:21;性別:女

  1. 吃催淚彈的日子 (可多於一天)

6月12日、7月1、14、21、27、28日、8月3、4、5日。

  1. 吃彈經過 (最嚴重那一次,包括位置、吃彈大約距離、吃了多久)

7月21日,上環,連續約4至5發催淚彈於身旁爆開,約1分鐘後出現呼吸困難,不停咳嗽。

  1. 徵狀及維持多久

吸過哮喘藥後,呼吸困難立即改善,但至今仍有咳嗽情況。

  1. 有沒有看醫生(急症/私家?),如有,診斷如何?

無睇,以為只係天氣問題,覺得無咩事。

Case 25

年齡:21;性別:女

  1. 吃催淚彈的日子 (可多於一天)

8月5日。

  1. 吃彈經過 (最嚴重那一次,包括位置、大約距離、維時、怎樣逃生)

在黃大仙,大家在築防線,我擔緊遮,前面大概只得50人,岩岩築咗無耐。大家都未gear up,突然眼超痛,睇唔到嘢,皮膚都好痛,好攻鼻,成班人一齊轉身走,好似逃難咁,一路衝返入黃大仙中心,我即刻用生理鹽水狂沖,沖完幫人沖。

  1. 徵狀及維持多久

少燒,喉嚨劇痛,手腳好軟,肚痾,絰持了2至3日。

  1. 有沒有看醫生(急症/私家?),如有,診斷如何?

無睇, 但食咗退燒和喉藥,飲咗好多湯水,因覺得會好返。

Case 26

年齡:22;性別:男

  1. 吃催淚彈的日子 (可多於一天)

4日。

  1. 吃彈經過 (最嚴重那一次,包括位置、大約距離、維時、怎樣逃生)

第一次喺元朗中彈,因為行得好前關係,所以走個陣好辛苦。走嘅過程看唔清楚身邊嘅事,全身都好熱,而且仲抖唔到氣,要去到好後揾急救員求救。要用哮喘藥,生理鹽水洗眼,之後同樣一次喺元朗,距離大約50米,被催淚彈(細粒果隻)擊中肩頭,個下以為有人拍我肩頭未算好痛,不過就身邊突然起煙就搵水淋熄佢。

  1. 徵狀及維持多久

肚痛,痛到以為發炎,keep住痾,大約維持一星期。

  1. 有沒有看醫生(急症/私家?),如有,診斷如何?

無睇醫生,原因係覺得應該無乜野,之後做野又忙,廢事再請假。

Case 27

年齡:22;性別:女

  1. 吃催淚彈的日子 (可多於一天)

7月1、27、28、8月5日。

  1. 吃彈經過 (最嚴重那一次,包括位置、大約距離、維時、怎樣逃生)

距離警方防線不足50米,有枚催淚彈跌在我小腿。

我想躲開,但身旁有好幾枚彈隨即落地,不知逃向哪。

有人指示我走,眼前白霧一片,之後太刺激開不了眼,落去隧道稍避。

行不動,坐了在隧道入口,有人幫我沖眼和包保鮮紙。

  1. 徵狀及維持多久

眼睛和皮膚灼痛,流眼水、鼻水,頭痛,被擲中催淚彈的皮膚瘀腫灼痛,想嘔。

  1. 有沒有看醫生(急症/私家?),如有,診斷如何?

問了醫生意見,指沒大礙,要多休息,惡化才看醫生。

Case 28

年齡:23;性別:女

  1. 吃催淚彈的日子 (可多於一天)

8月4、5日

  1. 吃彈經過 (最嚴重那一次,包括位置、大約距離、維時、怎樣逃生)

腳邊(差三級樓梯),轉身逃走。

  1. 徵狀及維持多久

肚瀉4天、臉上毛孔變大,頸上起粒粒。

  1. 有沒有看醫生(急症/私家?),如有,診斷如何?

無睇醫生,因覺得會好返。

Case 29

年齡:22;性別:女

  1. 吃催淚彈的日子 (可多於一天)

6月12日、 7月1、28日、8月3、4日

  1. 吃彈經過 (最嚴重那一次,包括位置、大約距離、維時、怎樣逃生)

7月28日,少於一米,只有N95(口罩型號);

8月3日,彈自頭上飛過,再跌落近一米嘅距離,冇逃生,只有戴好啲啲gears。

  1. 徵狀及維持多久

8月28日時,即時呼吸困難,整個肺部及背部發燙;8月3日後肚痾近兩日,痾水,作嘔。

  1. 有沒有看醫生(急症/私家?),如有,診斷如何?

無,覺得會好。

Case 30

年齡: 21;性別:男

  1. 吃催淚彈的日子 (可多於一天)

6月12日 、7月1、21、28日、8月3、 4、5日。

  1. 吃彈經過 (最嚴重那一次,包括位置、大約距離、維時、怎樣逃生)

8月5日,屯門西鐵站旁,在數米內有大量煙霧圍繞,維時大約4分鐘,因本人為前綫急救員故沒有逃生。

  1. 徵狀及維持多久

肚瀉數天,咳嗽數天。

  1. 有沒有看醫生(急症/私家?),如有,診斷如何?

沒有,因已習慣。

Case 31

年齡:30;性別:女

  1. 吃催淚彈的日子 (可多於一天)

8月5日。

  1. 吃彈經過 (最嚴重那一次,包括位置、大約距離、維時、怎樣逃生)

5米內,金鐘橋底,維時真係唔知,大概有30分鐘,群眾撤離。

  1. 徵狀及維持多久

雙手臂起水泡,頸起濕疹,一星期之今,痕癢。

8月7日時氣管敏感,流鼻水,打噴嚏一天。

  1. 有沒有看醫生(急症/私家?),如有,診斷如何?

沒有。

Case 32

年齡:30;性別:男

  1. 吃催淚彈的日子 (可多於一天)

每周星期六日都有吃過,最難忘西環那一次。

  1. 吃彈經過 (最嚴重那一次,包括位置、吃彈大約距離、吃了多久) 

最嚴重是中信碼頭對出那一次,和彈距離數百米,因為被困而無法離開,吃了兩個鐘。

  1. 徵狀及維持多久:

不停流眼水,有鼻涕,喉嚨發熱和痛楚,聞到有漒水味;徵狀直到當天晚上,離開現場才慢慢減慢,約為5至6鐘。

  1. 有沒有看醫生(急症/私家?),如有,診斷如何?

無,怕被告發,而且回家休息,洗澡後已舒服不少。

Case 33

年齡:25;性別:男

  1. 吃催淚彈的日子 (可多於一天)

7月27日。

  1. 吃彈經過 (最嚴重那一次,包括位置、吃彈大約距離、吃了多久) 

近yoho mall開了彈,不算很前線,但煙吹過來,離彈大概十米,三十秒後已感到不適。

  1. 徵狀及維持多久

肺部感到痛楚。

  1. 有沒有看醫生(急症/私家?),如有,診斷如何?

無。

Case 34

年齡: 30歲;性別:男性

  1. 吃催淚彈的日子 (可多於一天) 

6月12,8月5日。

  1. 吃彈經過 (最嚴重那一次,包括位置、吃彈大約距離、吃了多久) 

8月5日罷工那天,我是復康工作,收工去了黃大仙,已放了彈。我穿了全副裝備,初時遠距離不太覺得,後來拿水去淋熄彈時,和彈距離只有幾步,煙從眼罩的空隙進入,直接食了十至十五分鐘。

  1. 徵狀及維持多久:

眼痛了兩三次,不停洗眼,全身又感到發熱,聞到燶的味道。回家徵狀減弱了。

  1. 有沒有看醫生(急症/私家?),如有,診斷如何?

無。

Case 35

年齡: 21;性別:男

  1. 吃催淚彈的日子 (可多於一天) 

不能盡錄。

  1. 吃彈經過 (最嚴重那一次,包括位置、吃彈大約距離、吃了多久) 

政總對外,彈就在腳下,直接吃了30秒,接近窒息。

  1. 徵狀及維持多久:

眼痛,暈眩,皮膚發熱,喉間不適,肺痛,約15分鐘。

  1. 有沒有看醫生(急症/私家?),如有,診斷如何?

沒有。

Case 36

年齡:25;性別:男

  1. 吃催淚彈的日子 (可多於一天)

8天

  1. 吃彈經過 (最嚴重那一次,包括位置、大約距離、維時、怎樣逃生)

7月27日最嚴重,那次催淚彈在腳邊爆開,即時感到窒息約1分鐘,眼淚直流,皮膚刺痛。

  1. 徵狀及維持多久

咳嗽、多痰持續一星期,另外外露的皮膚有紅疹。

  1. 有沒有看醫生(急症/私家?),如有,診斷如何?

沒有,因為覺得好小事,沒必要看。

case 37

年齡:21 ;性別:男

  1. 吃催淚彈的日子 (可多於一天)

6月12日及8月5日

  1. 吃彈經過 (最嚴重那一次,包括位置、大約距離、維時、怎樣逃生)

8月5日開始,手上皮膚感到很刺痛,另外有咳嗽和眼痛

  1. 徵狀及維持多久

肚痾了兩日

  1. 有沒有看醫生(急症/私家?),如有,診斷如何?

沒有,吃了喇叭牌正露丸,因為覺得好小事,沒必要看。

Case 38

年齡:25 ;性別:男

  1. 吃催淚彈的日子 (可多於一天)

8月4日及5日

  1. 吃彈經過 (最嚴重那一次,包括位置、大約距離、維時、怎樣逃生)

8月5日,我身處天水圍天耀商場門口,身邊2尺距離有三枚催淚彈爆開,商場有道防煙門,門口就有一粒催淚彈,煙霧瀰漫,我要穿過煙霧衝進防煙門逃生。

  1. 徵狀及維持多久

吃彈時眼睛像被火灼,手腳刺痛近10分鐘,清洗後沒事,半小時後腳部痕癢,長了粒粒,大約維持了兩小時。

  1. 有沒有看醫生(急症/私家?),如有,診斷如何?

沒有,因為覺得好小事,沒必要看。

Case 39

年齡:25 ;性別:男

  1. 吃催淚彈的日子 (可多於一天)

3天

  1. 吃彈經過 (最嚴重那一次,包括位置、大約距離、維時、怎樣逃生)

兩粒催淚彈在身旁,馬上跑走,吸了很少煙

  1. 徵狀及維持多久

眼痛、頭痛了兩日

  1. 有沒有看醫生(急症/私家?),如有,診斷如何?

沒有,因為覺得好小事,沒必要看。

Case 40

年齡:24 ;性別:男

  1. 吃催淚彈的日子 (可多於一天)

8月5日

  1. 吃彈經過 (最嚴重那一次,包括位置、大約距離、維時、怎樣逃生)

一名風度翩翩的防暴警察展開黑旗後,向着我們發射了三枚催淚彈,催淚彈包圍了我,我被迫冒着煙衝出去

  1. 徵狀及維持多久

一直肚痾至今(8月10日),手腳乏力,精神疲倦。

  1. 有沒有看醫生(急症/私家?),如有,診斷如何?

沒有,因為覺得好小事,沒必要看。

Case 41

年齡: 24;性別:男

  1. 吃催淚彈的日子 (可多於一天)

6月12日及8月5日

  1. 吃彈經過 (最嚴重那一次,包括位置、大約距離、維時、怎樣逃生)

8月5日在天水圍警局

  1. 徵狀及維持多久

皮膚過敏、有紅點,維持了半日,食過敏藥後無事。

  1. 有沒有看醫生(急症/私家?),如有,診斷如何?

沒有,因為覺得好小事,沒必要看。

Case 42

年齡: 41;性別:女

  1. 吃催淚彈的日子 (可多於一天)

3天

  1. 吃彈經過 (最嚴重那一次,包括位置、吃彈大約距離、吃了多久)

龍翔道放彈,我站在龍翔中心樓頂平台

  1. 徵狀及維持多久

輕微腹瀉了兩、三天

  1. 有沒有看醫生(急症/私家?),如有,診斷如何?

沒有看醫生,幾日後無事

Case 43

年齡: 33;性別:男

  1. 吃催淚彈的日子 (可多於一天)

3天

2,吃彈經過 (最嚴重那一次,包括位置、吃彈大約距離、吃了多久)

上環拉四十多人那次,朋友說我全身有催淚煙味道,當日做採訪,即使有防毒面具,仍有小量催淚煙入到去防毒面具內,有輕微的灼痛,那次維持了四、五個小時

  1. 徵狀及維持多久

最近咳得很厲害,眼睛有時會突然短暫刺痛,至今維持了兩、三個星期

  1. 有沒有看醫生(急症/私家?),如有,診斷如何?

無時間睇醫生啊!

Case 44

年齡:22;性別:男

  1. 吃催淚彈的日子 (可多於一天)

7月28日、8月5日。

  1.  吃彈經過 (最嚴重那一次,包括位置、大約距離、維時、怎樣逃生)

上環,距離應該唔夠1米,維時唔知,即刻走。

  1. 徵狀及維持多久

肚痾了2至3日。

  1. 有沒有看醫生(急症/私家?),如有,診斷如何?

無,覺得會好。

Case 45

年齡:25;性別:女

  1. 吃催淚彈的日子 (可多於一天)

8月5日。

  1. 吃彈經過 (最嚴重那一次,包括位置、大約距離、維時、怎樣逃生)

天水圍警署對面天耀輕鐵站,維時1小時,往天𧙗方向逃生。

  1. 徵狀及維持多久

8月6日有肚屙2次。

  1. 有沒有看醫生(急症/私家?),如有,診斷如何?

沒有,因不太嚴重。

留言
此系列之延伸閱讀
返回系列
抗爭時代
熱門搜尋
袁國勇 出版自由 展覽 環保 食譜
https://www.mpweekly.com/culture/wp-content/uploads/2019/08/whatsapp-image-2019-08-11-at-3.26.27-pm-150x150.jpeg